[center]فيه مدرس يدرس في المرحلة الابتدائية سأل أحدالطلاب :
طير بيتكلم وأول حرف منه الباء ؟
فرد عليه الطالب وبسرعه : الببغاء ... فقال : ممتاز ..
إسمك اية؟
فرد أحمد .. سئله المدرس: أبوك بيشتغل اية؟
رد الطالب دكتور .. فقال المدرس : شايفين ولاد الدكاتره ؟
راح المدرس سأل سؤال ثاني حيوان بطيء وأول حرف في اسمه السين ؟
فرد أحدالطلاب : سلحفاة .. يرد المدرس : ممتاز .. اسمك أية؟
فقال : وائل .. أبوك بيشتغل اية؟
رد الطالب مهندس .. فقال المدرس شايفين ولاد المهندسين ؟
بعدها سأل المدرس السؤال الثالث طائر له جناحين ... ما هو ؟
فرد أحد الطلاب و بسرعه : تمساح .. فيقول المدرس
شايفين الغبي دة ... اسمك أية ياغبي؟
ردالطالب : خلف .. أبوك يشتغل أية ياغبي؟
رد الطالب لواء امن دولة ...
ردالمدرس : بص يا حبيبي هو التمساح بيطير بس مش كتير ولو شد حيله حيطير اعلي
1-أتوبيس غرق فى الترعه وكان فيهم واحد شجاع طلع معظم الغرقانين المذيعة أستضفته وقالته أنت شجاع أوى طلعت عدد كبير من الى كانوا حايغرقوا قالها ياست سبينى ألحق أطلع الكمسرى علشان أخد بقية الجنيه.
2. ابو العربى سمع ان صاحبه اليابانى عيان فسافرله.وهو معاه فى الانعاش قله اليابانى يوكوهاما قام رادد متخفش بنتك فى عينى فقله يوكوهاما قله مقلتلك بنتك فى عينى ومات الراجل .وابو العربى قاعد بيعزى فيه قال فين يوكوهاما ابوها موصينى عليها فقله واحد من القاعدين هو قلك يوكوهاما فقله اه قله دى معناها قوم من على انبوبة الاكسجين.
4. ابو العربى قاعد ع القهوة مع اصحابة وابنة الجرايحى جاى من الامتحان ولا ياااااجرايحى عملت اية فى الامتحان الاسئلة الى قولتلك عليها جت ولا لا.. قاله: ماجتش يابا قاله: هات ورقة الاسئلة قالة: خد... قاله: هات ورقة الاجابة كمان ...قاله خدوها منى قاله علشان انت اهبل وعبيط .
5. اتنين بلدياتنا بيلعبوا شطرنج واحد اكل لواحد الفيل التاني قام سم له البهايم.
6. اتنين بلدياتنا راحوا يصطادوا واحد صاد والتاني ضاد.
7. اتنين بلدياتنا زهقوا من الأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.
8. اثنين اصدقاء شاربين وراكبين العربية الاول بيقول للثانى حاسب هتموت الراجل حاسب، الثانى رد علية انزل شوفة ليكون مات نزل الاول وقال لة هات ورة سنة كمان شمال شوية بس كدة مات.
9. بتاع عصير قصب عمل فرحه بعد العصر.
10. بلدياتنا زعلوا من النكت اللى بتتقال عليهم فكتبوا النكت كلها ورموها فى البحر فتانى يوم لقوا السمك كله ميت من الضحك.
11. بلدياتنا فتحوا محل بيتزا .....سموه بيتزا هعععععععععععع.
12. بلدياتنا مبيعرفشى يعوم وقع فى البحر مات محروق.
13. بلدياتنا نزل يستحمى فى الترعة السمك جاله تينيا.
14. بيقولك ولد صغير كل يوم يعدي على البقال يقوله عندك شيبسي يقوله البقال ايوه يقوله طيب اديني كيس لايز....اليوم اللي بعده يقوله عندك هوهوز يقوله ايوا عندي الولد يقوله طيب اديني اتنين توينكيز....و كل يوم بالشكل ده. البقال اشتكى لأبو الولد الصغير و حكاله فالاب انفعل جدا و قال للبقال: عند عصايه؟ قاله: ايوا الاب قاله : اديله بالألم.
15. تاكسى نادى الشمس.. ناديها انت.
16. التلميذ : بحبك يا أبله و عاوز أجوزك...
المدرسه: بس أنا مبحبش الأولاد الصغيرين...
التلميذ: وأنا مش مستعجل على الأولاد.
17. ثلاثه اتفققوا علي مين يجيب اكبر قطه,الأول قال انا هاقعد شهر و هاجيب القطه, فعلا بعد جاب قطه كبيره,التاني قال انا هاقعد خمس شهور وهاجيب قطه اكبر من الأولاني وجاب واحده اكبر من الأولاني جه التالت قال هاقعد سنه و اجيب قطه اكبر من القطتين دول و قعد خمس سنين المهم راحوا يدوروا عليه لقوه قاعد مع فيل وعمال يقوله هاتنونو يعنى هاتنونو.
18. جماعة بلديتنا حبوا يعملوه مزرعة فراخ مرة زرعوا الفراخ بمنقارها الفراخ ماتت المرة التانية زرعوها برجليها الفراخ برضه ماتت قاموا بعتوا لقريبهم العالم فى بلاد برة فقالهم ابعتولي عينة من التربه احللها.
19. جورج بوش بعد ما نجح فى الانتخابات ... انضم للحزب الوطنى
20. خمسة بلدياتنا بيلفوا لمبة فى السقف ...أربعة مسكوا اللمبة وواحد لف السقف !!!
21. دكتور بيطرى بيحب دكتوره بيطريه يقولها أنا بهيم فى حبك وهى تقولوا أنا مارفصلكش طلب .
22. سباك راح حفلة لقى واحد بينقط رقاصة راح مراكبله جلدة.
23. سبعه بلدياتنا اشتروا عربيه سابعه راكب علشان يكسبوا منها، خافوا للساق يسرقهم فضلوا راكبين معاه رايح جاى، لما لقوا نفسهم ما بيكسبوش استشاروا ابن عمهم خبير الاقتصاد فاقترح تغيير السواق.
24. سوسو و توتو واقفين بيشاورا لعربية على الطريق وقفت لهم عربية بعيد شوية سوسو قال لتوتو يا خسارة وقفت في المكان اللي كنا هاننزل فيه.
25. سوسو و ميمى شاورو لسواق تاكسى فالسواق وقف بعديهم بشوية سوسو قال لميمى اه وقف فى المكان اللى هانروحه.
26. ضبطوا اثنين بلدياتنا بيشموا أسمنت.
27. طبيب نفسى اشترى ساعة سيكو عالجها بالصدمات.
28. طفل اتولد و ظل 5 سنين لا يتكلم, اول كلمة قالها(خالي)بعدها بيوم خاله مات ومر اسبوع و اتكلم الولد مرة ثانية و قال اخويا بعدها بيوم اخوه مات ومر اسبوع آخر والولد قال بابا فكتب الاب وصيته بعدها بيوم جارهم مات.
29. عجوز بيقول لواحد خلاش عجشنا فرد الواحد و قاله يا عم انت لسه شباب فقاله العجوز أديك خمشة جنيه و قول كده قدام مراتى فرد الواحد و قاله هات عشرة جنيه و أطلعك عيل.
30. فرخه اتجوزت فيل، خللفوا ولد سمموه تشيكن فيليه.
31. في راجل مراته بتعد تتكلم بالتليفون 3و4و5 ساعات تعد ترغي في حاجات هايفة فمرة لقاها اتكلمت نص ساعة فبيقوللها:إيه الحكاية متكلمتيش كتير ليه المرة دي ....قالتله:اصل النمرة جمعت غلط.
32. فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى.
33. كان مرة واحد فتوة سكن جديد فى منطقة شعبية كل يوم يعدى من الشارع وينادى : لو فيه راجل فى الشارع يظهر لى ..كل الناس تخاف وتجرى.. واستمر الحال على كده شهور لغايةما اجتمع اهل المنطقة وراحوا يأجروا واحد رد سجون علشان يضرب الفتوة ويخلصهم من جبروتة جه الراجل رد السجون وفجأة حضر الفتوة وقال : لو فيه راجل فىالشارع يظهر لى الكل جرى الا الراجل ..جم يشوفوه لقوه مات من الرعب.
34. كلب فاقد الذاكرة فماشى عمال يقول صوصو.. لأه.. نونو.. لأه.
35. كلمة تقرأ من اليمين أو الشمال بنفس الطريقة باسم بلد (ليبيا)
36. كمسري أبوة مات ماشى في الجنازة يقول يا حضرات الجنازة فاضية آدام .
37. ليه الفيل بيلبس شورت أحمر (عشان الأخضر مغسول).
38. ليه بلدياتنا بيحط فى إيده الشمال زلطة واليمين كبريت؟ (الزلطة عشان يكسر اللمبة والكبريت عشان يتأكد ان اللمبة انكسرت).
39. ليه بلدياتنا لما يدخل يستحمى ياخد معه ابرة وفتلة (عشان لو المياه انقطعت يخيطها).
40. ليه بلدياتنا مش بيبوس بنته. لأنه حاطط ذيل الجلابية فى بقه.
41. ليه بيشيل بلدياتنا مسدسه ؟؟ علشان يطخ مشوار.
42. ما وجه الشبه بين الموز و التفاح؟ الاثنين لا يصنع منهم عصير جوافه
43. مرة 10 بلدياتنا بيهرجوا مع بعض .. مات منهم خمسه و فضل خمسة فقالوا كفاية كده لحسن تقلب بجد
44. مرة أبن واحد بلديتنادخل على أبوه وسأله بتعمل أيه يابا فرد عليه أبوه : بكتب جواب لعمك فسأله الأبن أنت بتعرف تكتب يا با فرد عليه الأب يعنى عمك هو اللى بيعرف يقرأ .
45. مرة إتنين حشاشين قاعدين يحششوا فى الترب ..طب عليهم البوليس.. فواحد منهم هرب و التانى راح إستخبى فى الترب..فشافه الظابط, فجاله يقولله انت بتعمل ايه هنا عندك..رد عليه الحشاش وقاله يا بيه هو الإنسان مخلوق من ايه؟ فقاله من تراب ..فرد عليه الحشاش..طب على النعمه انا لسه مخلوق دلوقتى
46. مرة ابو العربى ركب مركبه فقامت عليه موجه راح مطلع المطوه قال له بلآش انت يا بحرّّّّّّّّ
47. مرة اتناين سكرانين ماشين بيتخنقوه على مين الى يمشى فى النصف
48. مرة اتنين قرع اتشاكلوا على مشط
49. مرة اثنين رايحين يتعدموا واحد طيب والثانى شرير فبيسئلوهم نفسكم فى أية فرد الأول قال لهم نفسى أشوف أمى أما الثانى فقال لهم نفسى ده مايشوفش أمه
50. مرة جزار خلف بنتين واحدة سماها كيلوباترا و الثانية سماها كيلولحمه
[/center]
الصفحة الرئيسية 
اليومية 
مكتبة الصور 
س .و .ج 
قائمة الاعضاء 
المجموعات 
ابحـث 
التسجيل 
دخول 
موضوع: خمسين50نكته هتموت على نفسك من الضحك 
السبت ديسمبر 22, 2007 2:26 pm
